19.01.2024

Դոմենի «կյանքի ցիկլը»/life cycle

Տարբեր դոմենային գոտիներում դոմենի «կյանքի ցիկլը» տարբերվում է: Դոմենի ամբողջական «կյանքի ցիկլը» բաղկացած է հետևյալ շրջաններից։

Հասանելի (available) - դոմենը ազատ է գրանցման համար, կարող եք վճարել, ներկայացնել գրանցման հայտ։

Գրանցված է (registered) - դոմենը գրանցված է, շտեմարանում գրառումը պահպանելու տևողությունը սովորաբար մեկ տարի է, բայց, վճարելով ավելի մեծ ժամկետի համար, կարող եք նաև հաշվեգրել դոմենը մեկ տարուց ավել։

Ժամկետանց (Expired) – ժամկետի երկարաձգման համար վճարում չի կատարվել, սակայն երկարաձգումը հնարավոր է ընթացիկ գրանցման գնով։ Տևողությունը, սովորաբար, 30 օր:

Հետգնման ժամկետ (Redemption period) - վճարումը չի կատարվել «ժամկետանց» կարգավիճակի ընթացքում, սակայն հնարավոր է երկարաձգնել/վերականգնել դոմենը՝ վճարելով ընթացիկ գրանցման արժեքից մի քանի անգամ ավելի բարձր գին։ Տևողությունը, սովորաբար 30 օր:

Հեռացման ընթացք (Pending delete) - ռեեստրի գրառումը պահպանվում է մոտ 5 օր ևս, որից հետո ռեեստրի գրառումը հեռացվում է և դոմենը ստանում է «հասանելի» կարգավիճակ։

am և հայ գոտիներում դոմենի «կյանքի ցիկլը» 45 օր է, հետգնման և սպասվող ջնջման ժամկետները նախատեսված չեն, դոմենի անվան վերագրանցման արժեքը չի տարբերվում դոմենների գրանցման արժեքից։